"ХУВЬЦАА ЭЗЭМШИГЧИЙН ЭРХ" СЭДЭВТ НЭЭЛТТЭЙ ХЭЛЭЛЦҮҮЛЭГ БОЛЛОО

2022-11-15 | Уншсан: 386

    Монголын Хуульчдын холбооны Иргэний эрх зүйн хорооноос “Хувьцаа эзэмшигчийн эрх” сэдэвт нээлттэй хэлэлцүүлгийг 2022 оны арваннэгдүгээр сарын 15-ны өдөр зохион байгууллаа.

    Тус хэлэлцүүлэг нь Хувьцаат болон хязгаарлагдмал хариуцлагатай компанийн “жижиг” хувьцаа эзэмшигчийг “том” хувьцаа эзэмшигчийн ашиг сонирхлоос хамгаалах, “жижиг” хувьцаа эзэмшигчийн эрхээ хэрэгжүүлэхэд тулгарч буй хүндрэл бэрхшээл, тэдгээрийг даван гарах арга замыг тодорхойлох, “жижиг” хувьцаа эзэмшигчийн оролцоог хангах сайн туршлагуудыг хуваалцах, хуульчдын санал хүсэлтийг нэгтгэх зорилгын хүрээнд зохион байгуулагдав. Хэлэлцүүлгийн үеэр оролцогчид нээлттэй асуулт асууж, практикт тулгамдаж буй асуудалд санал хүсэлтээ илэрхийлж оролцсон юм.

Илтгэгчид дараах сэдвийн хүрээнд илтгэл хэлэлцүүллээ:

  • Компанийн тухай хууль дахь хувьцаа эзэмшигчийн төлөөлөн нэхэмжлэл: Асуудал ба шийдэл
  • Жижиг хувьцаа эзэмшигчдийн эрх: Компанийн тухай хуулийн орхигдсон зохицуулалтууд. Орос, Германы харьцуулсан зохицуулалтууд
  • Жижиг хувьцаа эзэмшигч vs Том хувьцаа эзэмшигч
  • Хувьцаат компанийн жижиг хувьцаа эзэмшигчдийн эрхийн хамгаалалт – их хэмжээний болон сонирхлын зөрчилтэй хэлцэл
  • Хувьцаа эзэмшигчийн хувьцаа эзэмшигчдийн хурлын талаар гомдол гаргах эрх
  • Банкны зохистой засаглал - жижиг хувьцаа эзэмшигч: Зохицуулалтын орчин болон олон улсын чиг хандлага.

    Хэлэлцүүлэгт нийт 85 хүн оролцож, илтгэгчдээс сонирхсон асуултаа асууж, харилцан туршлага солилцож , санал хүсэлтээ илэрхийлж, идэвхтэй оролцлоо. 

 

 

Хуульчдын оруулсан зар

Дансны мэдээлэл

Хуульч аппликейшн