Монголын Хуульчдын Холбооны 10 жилийн ойн хийгдэх ажлын хүрээнд АНУ-ын Худалдааны яамны дэргэдэх Арилжааны эрх зүйн хөгжлийн хөтөлбөрөөс 2023 оны 9 дүгээр сарын 13, 14-ний өдрүүдэд Хуульчдын холбооны гишүүн хуульчдад зориулан зохион байгуулж буй “Хөрөнгө оруулагч - Улс (Засгийн газар) хоорондын маргааныг шийдвэрлэх нь” арбитрын сертификаттай сургалт амжилттай явагдаж байна. 

Энэ удаагийн сургалтыг Сингапур Улсад үйл ажиллагаа явуулдаг Allen & Gledhill, Rajah & Tann олон улсын хуулийн фирмийн 30 гаруй жилийн туршлагатай мэргэшсэн арбитрч, хуульч Cheong Yee Leong, Francis Xavier нар явуулж байгаа бөгөөд сургалтад 50 гаруй хуульч хамрагдаж байна.

 АНУ-ын Худалдааны яамны дэргэдэх Арилжааны эрх зүйн хөгжлийн хөтөлбөр (Commercial Law Development Program) нь хөгжиж буй улс орны бизнесийн эрх зүйн орчныг боловсронгуй болгох чиглэлээр үйл ажиллагаа явуулдаг бөгөөд тус хөтөлбөр хэрэгжиж буй орны хуульч, судлаач, төрийн албан хаагчдад зориулан арилжааны эрх зүйн чиглэлээр сургалт явуулах, бусад оронд хэрэгжсэн сайн жишгийг танилцуулах, нэвтрүүлэх зэрэг хууль зүйн техник туслалцаа үзүүлдэг юм.