Монголын Хуульчдын холбооны Магадлан итгэмжлэлийн хороо болон Хууль зүйн шинжлэх ухаан, боловсролын хөгжлийг дэмжих хороо “XXI зууны хуульч ба Монгол улсын эрх зүйн боловсрол” сэдэвт хэлэлцүүлэгийг 2023 оны 11 дугаар сарын 17-ны өдөр зохион байгууллаа.

Тус хэлэлцүүлэгийг Монголын Хуульчдын холбооны Ерөнхийлөгч доктор профессор П.Одгэрэл нээж Магадлан итгэмжлэлийн хорооны тэргүүн доктор профессор Х.Сэлэнгэ “Монгол Улсын эрх зүйн боловсрол өнгөрсөн, одоо, ирээдүй”, Захиргааны эрх зүйн хорооны тэргүүн Т.Мөнх-Эрдэнэ “XXI зууны хуульч” сэдвээр тус тус илтгэлүүдийг хэлэлцүүллээ.

Хэлэлцүүлэгт Боловсролын магадлан итгэмжлэх үндэсний зөвлөлийн ажилтан болон Их засаг Олон улсын их сургуулийн Хууль зүйн сургууль, Улаанбаатар Эрдэм их сургууль, Шихихутуг их сургууль, Идэр хууль зүйн сургууль, Отгонтэнгэр их сургууль, Орхон их сургуулийн удирдлага, эрдэмтэн багш нар оролцлоо.

Уг хэлэлцүүлэгээр Хуульчийн эрх зүйн байдлын тухай хуулийн төсөлд Их дээд сургуулиудын магадлан итгэмжлэлийн асуудлыг тодорхой болгох, Монгол Улс дахь боловсролын шинэчлэлт, эрх зүйч бэлтгэх сургалтын хөтөлбөрөөс хуульч бэлтгэх сургалтын хөтөлбөр рүү шилжих эсэх асуудлаар хэлэлцэн санал бодлоо хуваалцлаа.