Монголын Хуульчдын холбооны Шүүгчдийн хорооноос Бага үнийн дүнтэй иргэний хэрэг хянан шийдвэрлэх ажиллагааны онцлог сэдэвт хэлэлцүүлгийг 2023 оны 11 дүгээр сарын 23-ны өдөр Хууль зүйн үндэсний хүрээлэнгийн Хуульчдын танхимд амжилттай зохион байгууллаа.  Тус хэлэлцүүлгийн нээлтийг  нээж Монголын Хуульчдын холбооны Ерөнхийлөгч П.Одгэрэл, Нийслэлийн Иргэний хэргийн давж заалдах шатны шүүхийн шүүгч Э.Золзаяа нар үг хэлж хэлэлцүүлгийг нээлээ.

        Тус хэлэлцүүлгийн илгэгчээр Хууль зүй, дотоод хэргийн яамны  Хууль зүйн бодлогын газрын Хувийн эрх зүйн хэлтсийн шинжээч М.Цолмон “Иргэний хэрэг шүүхэд хянан шийдвэрлэх тухай хуульд нэмэлт өөрчлөлтөөр орох Бага үнийн дүнтэй иргэний хэрэг шүүхэд хянан шийдвэрлэх ажиллагааны онцлог, үзэл баримтлал, хуулийн танилцуулга”, Нийслэлийн Иргэний хэргийн давж заалдах шатны шүүхийн шүүгч С.Энхбаяр “Бага үнийн дүнтэй иргэний хэрэг хянан шийдвэрлэж байгаа шүүхийн өнөөгийн практик, анхаарах зүйл “, МХХ-ны холбооны Нийтэд тустай мэргэжлийн үйл ажиллагаа эрхлэх асуудал эрхэлсэн хорооны тэргүүн, судлаач Г.Цагаанбаяр “Бага үнийн дүнтэй иргэний хэрэг хянан шийдвэрлэх ажиллагааны гадаад улсын жишиг” сэдвүүдээр тус тус илтгэлүүд хэлэлцүүллээ. Нийслэлийн Иргэний хэргийн давж заалдах шатны шүүхийн шүүгч Э.Золзаяа, Э.Энэбиш нар хэлэлцүүлэгчийн чиглүүлэгчээр оролцлоо.

       Хэлэлцүүлэгт оролцсон хуульчид Иргэний хэрэг шүүхэд хянан шийдвэрлэх тухай хуулийн нэмэлт өөрчлөлтийн хуулийн төсөлд оруулах саналаа хүсэлтээ солилцлоо. Хүрэлцэн ирсэн эрхэм хуульчиддаа баярлалаа.