“Азийн Про боно” 12 дахь чуулга уулзалт Филиппин Улсын Себу хотод 2023 оны 12 дугаар сарын 1-3 өдрүүдэд зохион байгуулагдаж Монголын Хуульчдын холбооны Хуульчийн нийтэд тустай мэргэжлийн үйл ажиллагаа эрхэлсэн хорооны удирдах зөвлөлийн гишүүд болон хорооны гишүүн 6 хуульч оролцон өөрийн Холбооны Про Боно үйл ажиллагааны талаар танилцуулсан байна.
Тус чуулга уулзалтад Австрали,Бангладеш,Вьетнам,Индонези,Монгол Лаос,Филиппин,Сингапур,Энэтхэг Тайланд Япон,Непал,өмнөд Африк зэрэг 13 орны Про Боно хуульчид оролцож Хуульчдын Холбоо Про боно үйл ажиллагааг зохион байгуулж байгаа туршлага,алдаа сургамж, Про боно хөгжлийн ирээдүйн төлөвлөлт, Залуу хуульчдыг ахмад хуульчидтай холбох, хамтран Про боно үйл ажиллагааг явуулах тал дээр бүсийн болон орон нутгийн туршлага, цаашид юуг анхаарч ажиллах, Про боно үйл ажиллагааг явуулахдаа туслалцаа хүсэгчээ хэрхэн тодорхойлох, стратеги төлөвлөгөө хийх зэрэг асуудлаар харилцан туршлага судаллаа.
Монголын Хуульчдын холбоо 2025 онд “Азийн Про Боно” 13 дахь чуулга уулзалтыг зохион байгуулахаар Филиппиний Хуульчдын Холбооноос тугийг хүлээн авч “Азийн Про боно” чуулга уулзалтад амжилттай оролцлоо.