​Хууль зүйн салбарт ажиллаж байгаа хуульчдад олон улсын чанараар танигдсан брэндүүдийн хувцсыг ажлын хэрэгцээнд нь зориулан өөрт зохих өнгө, загварыг сонгоход мэргэжлийн зөвлөгөө өгөх, воркшоп зохион байгуулах, хувцасны материалын онцлогт тааруулан арчилгаа хэрхэн хийх зааварчилгааны сургалт орох, холбооны гишүүн, хуульчдад хөнгөлөлт үзүүлэх зэрэг чиглэлээр Хуульчдын холбооны Тамгын газрын дарга Ш.Жолбарс болон “НАРАН ЛАЙФСТАЙЛ” ХХК-ийн Дотоод аудитын газрын Захирал Ж.Мөнх-Од нар хамтын ажиллагааны санамж бичигт 2024 оны 01 дүгээр сарын 31-ний өдөр гарын үсэг зурлаа. 

Энэхүү хамтын ажиллагааны хүрээнд зөвхөн Хуульчдын холбооны гишүүн хуульчдад 2024 оны 02 дугаар сарын 01-ний өдрөөс 02 дугаар сарын 29-ний өдөр хүртэл Сөүлийн гудамжид байрлах Наран Моллын нэг, хоёрдугаар давхрын Итали Улсын  PUNT ROMAболон Турк Улсын DS DAMAT брендийн оффис хувцаснуудад 35%-ийн онцгой хөнгөлөлт үзүүлэх юм.

Тус хөнгөлөлтийн ваучерыг  2024 оны 02 дугаар сарын 01-ний өдрөөс эхлэн Хуульчдын холбооноос авах боломжтой бөгөөд гишүүн, хуульчид өөрийн биеэр ирж авах юм.