Монголын Хуульчдын холбооны Зөвлөлийн ээлжит бус хурал 2024 оны 02 дугаар сарын 20-ны өдөр хуралдлаа. Хурлаар Хуульчдын холбооны 2022-2023 оны санхүүгийн тайланд хөндлөнгийн аудит хийх компани сонгох, Хуульчийн мэргэжлийн дүрэм, ёс зүйн асуудал эрхэлсэн хорооны гишүүдийг сонгох, томилох, хорооны даргыг батламжлах, Монгол Улсад Азийн 13 дахь удаагийн Про боно чуулга уулзалтыг зохион байгуулах ажлын хэсэг байгуулах болон бусад асуудлын талаар хэлэлцлээ.
Нэг. Санхүүгийн тайланд хөндлөнгийн аудит хийх байгууллагаар “Цэбэ аудит консалтинг” ХХК сонгогдлоо.
Хоёр. Хуульчийн мэргэжлийн дүрэм, ёс зүйн асуудал эрхэлсэн хорооны гишүүдээр Н.Одонтуул, Г.Эрдэнэбаяр нарыг томилж, Хорооны даргаар Д.Батболдыг батламжиллаа.
Гурав. Азийн 13 дахь удаагийн Про боно чуулга уулзалт зохион байгуулах ажлын хэсгийг 5 хүний бүрэлдэхүүнтэй байгуулсан.
