“Хуульчийн мэргэжлийн шалгалтын арга зүйг шинэчлэн, боловсруулах нь” төслийн хүрээнд Калифорнийн их сургуулийн профессор, хатагтай Мэй Лин Спенсер энэ долоо хоногт хууль зүйн салбарын төлөөллүүдтэй уулзаж, хуульч сонгон шалгаруулах ажиллагаа, хуульчид байх ёстой ур чадвар, дутагдалтай тал зэргийн талаар салбар салбарын төлөөллийн саналыг сонгох ажиллагааг явуулж байгаа билээ.

    Тус ажлын хүрээнд хатагтай Мэй Лин Спенсер өнөөдөр Улсын Дээд Шүүхийн төлөөлөлтэй уулзлаа. Уулзалтад УДШ-ийн Эрүүгийн хэргийн танхимын тэргүүн Ч.Хосбаяр, шүүгч Б.Батцэрэн, Б.Амарбаясгалан, Захиргааны хэргийн танхимын шүүгч Г.Банзрагч, П.Соёл-Эрдэнэ, Гадаад харилцааны хамтын ажиллагааны албаны дарга Д.Тулга нар оролцож, манай улсын хуульчийн мэргэжлийн шалгалт болон АНУ-ын хуульчийн мэргэжлийн шалгалтын талаар мэдээлэл солилцож, хөгжүүлэх, шинэчлэх шаардлагатай байгаа асуудлуудын талаар ярилцлаа.