Монголын Хуульчдын холбооны Ерөнхийлөгч П.Одгэрэл БНСУ-ын Гёнги Өмгөөлөгчдийн холбооны Ерөнхийлөгч Юн Сон Ён болон холбогдох албан тушаалтнуудыг 2024 оны долдугаар сарын 02-ны өдөр хүлээн авч уулзлаа.
Энэхүү уулзалтаар хамтын ажиллагааны санамж бичиг байгуулан уулзалт, хэлэлцүүлэг зохион байгуулах талаар тохиролцлоо. Мөн цаашид хэрэгжүүлэх ажлын талаар санал солилцсон.
Тус уулзалтад Монголын Хуульчдын холбооны Тамгын газрын дарга Ш.Жолбарс, Зөвлөлийн гишүүн, Эвлэрүүлэн зуучлалыг дэмжих асуудал эрхэлсэн хорооны тэргүүн Д.Түмэнжаргал болон Гёнги Өмгөөлөгчдийн холбооны дэд Ерөнхийлөгч Ким Ён Гил, Тамгын газрын дарга И Жун Тэ, Олон нийттэй харилцах газрын дарга Ю Сон Ён, Сургалтын газрын дарга Ким Ён Жү, гадаад харилцааны дарга Чу Ин Жин, Монгол-Солонгосын эрх зүйн хүрээлэнгийн захирал О.Амарсанаа нар оролцлоо.
Сонирхуулахад, Гёнги Өмгөөлөгчдийн холбоо нь 1979 оны есдүгээр сард байгуулагдсан, төв салбар нь Сувон хотод байрладаг. Мөн Соннам, Ансан, Анян, Пёнтэк, Ёжү хотуудад байрлах нийт 5 салбартай. БНСУ-ын хоёрт эрэмбэлэгдэх Өмгөөлөгчдийн холбоо бөгөөд 2023 оны нэгдүгээр сарын байдлаар 1300 гаруй хуульч бүртгэлтэй байна.
