Монголын Хуульчдын холбооны Зөвлөлийн ээлжит хурал 2024 оны 07 дугаар сарын 05-ны өдөр хуралдаж, 4 асуудал хэлэлцэж 3 тогтоол баталлаа.

Энэ удаагийн Зөвлөлийн хурлаар 2024 оны Хуульчийн мэргэжлийн шалгалтын тов тогтоох, Хуульчийн үргэлжилсэн сургалт зохион байгуулах, багц цаг тооцох журамд нэмэлт, өөрчлөлт оруулах асуудлыг хэлэлцэж, холбогдох тогтоолуудыг баталлаа.

Мөн Хуульчдын холбооны 2022, 2023 оны санхүүгийн тайланд хийсэн аудитын дүгнэлтийг хянасан Хяналтын зөвлөлийн тайланг сонсов.

Түүнчлэн Монгол Улсын Хүний эрхийн үндэсний комиссын дэргэдэх орон тооны бус Хүний эрхийг хамгаалагчийн хорооны гишүүн Х.Баасанжаргал өөрийн хүсэлтээр чөлөөлөгдсөнтэй холбогдуулан уг хороонд МХХ-г төлөөлөн ажиллах гишүүнийг нөхөн сонголоо. Хүний эрхийг хамгаалагчийн хорооны гишүүнд нэр дэвшихээр материалаа ирүүлсэн хуульч, өмгөөлөгч Ц.Санжаалхам, Ч.Өнөржаргал нараас Зөвлөлийн гишүүдийн олонхийн санал авсан хуульч, өмгөөлөгч Ч.Өнөржаргалын нэрийг Хүний эрхийн үндэсний комисст хүргүүлээд байна.