ХБНГУ-ын Бавар мужийн Хууль зүйн яамны сургалт, шалгалтын эрх зүй болон олон улсын хамтын ажилгааны хэлтсийн референт, прокурор Вагнер Таняг Монголын Хуульчдын холбооны Ерөнхийлөгч П.Одгэрэл 2024 оны 09 дүгээр сарын 26-ны өдөр хүлээн авч уулзлаа.

   Уулзалтад Монголын Хуульчдын холбооны Тамгын газрын дарга Ш.Жолбарс, Хансс Зайдел сангийн Монгол дахь суурин төлөөлөгч Феликс Гленк болон Хуульчийн мэргэжлийн шалгалтын асуудал эрхэлсэн хорооны гишүүн Д.Дамдинсүрэн, Б.Баасандорж, Т.Золбоо нар оролцсон.

   Уулзалтаар Монголын Хуульчдын холбооны чиг үүрэг, бүтэц зохион байгуулалт, хуульчийн мэргэжлийн шалгалтын тогтолцоо болон хуульчийн үргэлжилсэн сургалтын талаар мэдээлэл солилцож, Хатагтай Вагнер Таня ХБНГУ-ын хуульчийн шалгалтын онцлог, мэргэжлийн дадлагын хугацаан дахь сургалтын талаар мэдээлэл өгсөн. Цаашид Монголын Хуульчдын холбоо ХБНГУ-ын Бавар мужийн Хууль зүйн яамтай хамтран хуульчийн шалгалт, сургалтын талаар дэлгэрэнгүй мэдээлэл солилцож, туршлага судлах айлчлал, цахим уулзалтууд зохион байгуулахаар тохиролцлоо.