Захиргааны эрх зүйн хорооны Удирдах зөвлөлийн ээлжит хурал 2025.01.09-ний өдөр болж, дараах асуудлуудыг хэлэлцлээ. Үүнд:

1. Удирдах зөвлөлийн 3 гишүүний бүрэн эрхийн хугацаа дуусгавар болсон, мөн 1 гишүүн хуульчийн эрхээ түдгэлзүүлсэн тул 4 гишүүний орон тоон дээр нөхөн сонгууль явуулахаар тогтов. Сонгуулийн нэр дэвшүүлэх ажиллагааг 2025.01.10-ны өдрөөс эхлэн 7 хоног, санал хураах ажиллалааг түүнээс хойш 5 хоног байхаар тогтов.

2. 2025 оны Хорооны үйл ажиллагааны төлөвлөгөөг хэлэлцэж, төлөвлөгөөг хэрэгжүүлэхэд анхаарах асуудлуудыг ярилцав.

3. Бусад байгууллагатай байгуулсан хамтран ажиллах санамж бичгийн хүрээнд 2025 онд Хороо хэрхэн ажиллах талаар санал солилцож, багийн зохион байгуулалтад орж ажиллахаар тогтлоо.

4. 2025 онд хийгдэх подкастыг тухай бүр Удирдах зөвлөлийн гишүүд хариуцан идэвхжүүлж хийхээр санал нэгдэв.

5. Дараагийн хурлаар “Захиргааны эрх зүйчдийн өдөр” бий болгох, Хорооны бүх гишүүдийн хурлыг зохион байгуулах талаар хэлэлцэхээр шийдвэрлэлээ.