Монголын Хуульчдын холбооны Хуульчийн нийтэд тустай мэргэжлийн үйл ажиллагаа эрхлэх хорооноос “Хуульчийн Про боно үйл ажиллагаа – өнгөрсөн, одоо, ирээдүй” сэдэвт өглөөний уулзалтыг дөрөвдүгээр сарын 30-ны өдөр зохион байгууллаа.

Уулзалтад Хуульчийн нийтэд тустай мэргэжлийн үйл ажиллагаа эрхлэх хорооны Тэргүүн Г.Цагаанбаяр “Хуульчийн нийтэд тустай мэргэжлийн үйл ажиллагааны нөхцөл байдлын дүн шинжилгээ”, тус хорооны Удирдах зөвлөлийн гишүүн Ц.Одонжав “Хуульчийн Про боно үйл ажиллагааны чиг хандлага” сэдвээр сонирхолтой илтгэл хэлэлцүүлж, хуулийн фирмүүдийн про боно дэлхийн чиг хандлага, про боно түншлэл, хамтын ажиллагаа, про боно тайлагнал болон оюутан про боногийн дэлхийн хувьслын талаар мэдээлэл солилцлоо.

Тус өглөөний уулзалтад идэвхтэй оролцож, цаг заваа зориулан хүрэлцэн ирсэн нийт хуульчдадаа талархал илэрхийлье.