Монголын Хуульчдын холбооны Баянхонгор аймаг дахь салбараас орон нутгийн хуульчдын дунд “Өглөөний уулзалт”-ыг Баянхонгор аймгийн Шүүхийн Тамгын газрын сургалтын танхимд зохион байгууллаа.

Энэ удаагийн уулзалтыг “Стресс, ажлаас халшрах хам шинжээс урьдчилан сэргийлэх” сэдвийн хүрээнд зохион байгуулсан бөгөөд сургагч багшаар сэтгэл зүйч Э.Жаргал уригдан оролцов.

Уулзалтад оролцсон хуульчид “Ажлаас халшрах хам шинж”-ийг тодорхойлох асуумжийг бөглөж, ядралтын түвшин, бусдыг ойлгож мэдрэх чадвар, ажлын байран дахь сэтгэл ханамжийн өнөөгийн байдлаа мэргэжлийн аргачлалаар тодорхойлуулсан. Мөн хуульчиийн мэргэжлийн онцлогоос шалтгаалан үүсдэг стрессийг хэрхэн зөв удирдаж, ажлын байрны сэтгэл зүйн дарамтаас хэрхэн урьдчилан сэргийлэх талаар мэдлэгтэй боллоо.

Хуульчдын сэтгэл зүйн боловсролыг дэмжих цуврал үйл ажиллагаа үргэлжлэх бөгөөд дараагийн уулзалтыг “Дам сэтгэцийн гэмтлээс урьдёилан сэргийлэх арга замууд” сэдвийн хүрээнд зохион байгуулагдахаар төлөвлөгдсөн байна.

Уг уулзалтаар бусдын зовлон зүдгүүр, хүнд нөхцөл байдалтай өдөр тутам нүүр тулдаг хуульчдын хувьд дам байдлаар сэтгэл зүйн гэмтэл авах эрсдэл, түүнээс хамгаалах практик аргуудын талаар ярилцах юм.