Монголын Хуульчдын холбооны Захиргааны эрх зүйн хороо, Нээлттэй нийгэм форум хамтран “Нийтийн зайлшгүй хэрэгцээг үндэслэн газар чөлөөлөх харилцааны эрх зүйн зохицуулалт” сэдэвт хэлэлцүүлгийг 2024 оны 11 дүгээр сарын 15-ны өдөр хуульчдын танхимд амжилттай зохион байгууллаа. Тус хэлэлцүүлгийг нээж Монголын Хуульчдын холбооны Ерөнхийлөгч П.Одгэрэл, Захиргааны эрх зүйн хорооны тэргүүн Т.Мөнх-Эрдэнэ нар үг хэллээ.

Хэлэлцүүлгийн чиглүүлэгчээр Нээлттэй нийгэм форумын Засаглалын хөтөлбөрийн менежер Д.Эрдэнэчимэг ажилласан бөгөөд илтгэгчээр “Хот дахин төлөвлөлт, газар чөлөөлөлттэй холбоотой хүний эрхийн асуудлууд” сэдвээр Хил хязгааргүй алхам төрийн бус байгууллагын тэргүүн Н.Баярсайхан, Б.Нямжав, “Газар чөлөөлөх шийдвэр гаргах үйл явцад төлөвлөлтийн эрх зүйн хэм хэмжээг хэрэгжүүлэх нь” сэдвээр Байгаль орчны эрх зүйн дэд хорооны зохицуулагч Р.Лхагвабаяр, “Газар чөлөөлөхөд “Зайлшгүй байдал”-ыг тодорхойлох нь” сэдвээр Алисон энд Кэйт партнерс  ХХН-ийн судлаач Г.Уянга нар илтгэл хэлэлцүүллээ.

Тус хэлэлцүүлэгт газар чөлөөлөх болон дахин төлөвлөлтийн асуудлыг судалдаг хуульчид, судлаачид, мөн холбогдох байгууллагууд, Иргэний нийгмийн байгууллагууд оролцож саналаа солилцлоо. Хэлэлцүүлгээс гарсан санал, зөвлөмжийг Нээлттэй нийгэм форумтай хамтран холбогдох байгууллагуудад хүргүүлэн ажиллах болно.