Монголын Хуульчдын холбооноос Сэтгэл зүйч, доктор Цэнд-Аюушийн Энхтөрийг урьж "Ажил, амьдралын стрессийг даван туулах нь" сэдэвт өглөөний уулзалтыг өнөөдөр(2026.04.14) зохион байгууллаа.
Сэтгэл зүйч Ц.Энхтөр нь энэ удаагийн уулзалтаар стрессийг даван туулах арга замыг биш ухааны сурах нь чухал болохыг онцолсон бөгөөд “Сайн, муу зүйлийг байх ёстой хэмээн хүлээж авбал стресст өртөхгүй. Хүлээлт гэдэг зүйлээс ангижирч чадвал стрессгүй байж чадна” гэдгийг хэлсэн. Мөн “Шуналаа багасгавал уур багасна. Өөрөөр хэлбэл, сэтгэл зүйгээ барьж авах хамгийн хялбар арга нь хэрэгцээгээ багасгах” гэдгийг ч оролцогчдод санууллаа. Тэрбээр уулзалтад оролцсон хуульчидтай гурван сарын дараа дахин уулзаж, үр дүнгээ ярилцахаар тохиролцсон.
Монголын Хуульчдын холбоо нь сэтгэл зүйч, доктор Ц.Энхтөртэй цаашид хамтран ажиллаж, сэтгэл зүйн талаар хуульчийн үргэлжилсэн сургалтын хөтөлбөр боловсруулахаар ярилцаж байгаа билээ.
