Монголын Хуульчдын холбоо болон Шүүгчдийн холбоо нь хамтын ажиллагаагаа өргөжүүлэх зорилгоор 2026 оны 04 дүгээр сарын 13-ны өдөр хамтран ажиллах санамж бичиг байгуулж, Монголын Хуульчдын холбооны Ерөнхийлөгч М.Мөнхбат, Шүүгчдийн холбооны Тэргүүн Д.Батбаатар нар гарын үсэг зурж баталгаажууллаа.

Талууд шүүхийн бие даасан байдал, шүүгчийн хараат бус байдлыг хангах, хууль дээдлэх ёсыг бэхжүүлэх чиглэлийн хүрээнд шүүх засаглалын талаарх олон нийтийн ойлголт, итгэлийг нэмэгдүүлэхэд чиглэсэн нөлөөллийн болон мэдээллийн ажлуудыг хамтран хэрэгжүүлэхээс гадна хуульч, шүүгчдийн мэргэжлийн мэдлэг, ур чадварыг дээшлүүлэх сургалт, хэлэлцүүлгийг тогтмол зохион байгуулахаар боллоо.