Тогтвортой хөгжлийн зорилтуудыг(SDGs) хэрэгжүүлэх, хиймэл оюун ухааны(AI)дэвшлийг ашиглан инновац шийдэл, загвар хөгжүүлэх зорилгын хүрээнд 4 дэх жилдээ зохиогдож буй үндэсний хэмжээний "SDGs & AI: Ирээдүйн инновац–2026" хэлэлцүүлэг өчигдөр “Хуульчдын ордон” боллоо.
Тус үйл ажиллагааг Боловсролын Ерөнхий газар, БНСУ-ын Инчон хотын Боловсролын газар, “Он Хаппи Монгол” ТББ хамтран ерөнхий боловсролын сургуулийн 9-11 дүгээр ангийн сурагчдад жил бүр зохион байгуулсан бөгөөд 14 багийн оролцогчдоос илтгэх ур чадвар, төслийн хэрэгжих боломж болон шинэлэг санаагаараа шалгарсан шилдэг 12 суралцагч, 2026 оны 12 дугаар сард БНСУ-д зохион байгуулагдах Олон улсын форумд оролцож, Кентийн их сургуулийн (SUNY Korea) оюутнуудтай хамтран судалгаагаа танилцуулах эрхтэй болсон билээ.
Энэ үйл ажиллагааны үеэр Монголын Хуульчдын холбооноос “Цахим орчны зохистой хэрэглээ” сэдвээр сургалт орж, хичээлийг Монголын Хуульчдын холбооны Зөвлөлийн гишүүн, судлаач Г.Оюунболд, Эвлэрүүлэн зуучлалыг дэмжих хорооны Тэргүүн Д.Түмэнжаргал нар заасан юм.
