Монголын Хуульчдын холбооны Ерөнхийлөгч М.Мөнхбат АНУ-ын Техас мужид төвтэй Спурлок сангийн захирал, тус мужийн Рөүзбуд хотын шүүхийн шүүгч Мэттью Райт, Удирдах Зөвлөлийн гишүүн Г.Ганзориг нарыг 2026 оны 05 дугаар сарын 25-ны өдөр хүлээн авч уулзлаа.
Уулзалтын үеэр Спурлок сангаар дамжуулан сургалт, туршлага солилцоо, богино хугацааны дадлага, шүүгчдийн харилцан суралцах хөтөлбөр болон олон улсын мэргэжлийн сүлжээнд холбогдох боломжийг үргэлжлүүлэн хэрэгжүүлэх талаар ярилцсан.
Талууд хамтын ажиллагааг илүү албан ёсны түвшинд хүргэх, дунд хугацааны хамтарсан хөтөлбөр боловсруулах, цахим сургалт болон орчин үеийн эрх зүйн чиг хандлагыг Монголын хуульчдад нэвтрүүлэх чиглэлээр хамтран ажиллах сонирхлоо илэрхийлсэн юм.
Мөн Спурлок сангийн дэмжлэгээр Монголын хуульчдыг Америкийн барын холбооны олон улсын гишүүнчлэлд хамруулах боломжийн талаар мэдээлэл өгч, эхний ээлжид Монголын хуульчдыг хамруулах ажлын хэрэгжүүлэхээр ярилцлаа. 
Уулзалтад Монголын Хуульчдын холбооны Тамгын газрын дарга Ш.Жолбарс, Гадаад харилцааны зөвлөх Ц.Одонжав, Эрүүгийн эрх зүйн хорооны Удирдах зөвлөлийн гишүүн, Нийслэлийн эрүүгийн хэргийн давж заалдах шатны шүүхийн шүүгч Ц.Мөнх-Эрдэнэ, Олон Улсын эрх зүйн хорооны Тэргүүн Э.Алимаа нар оролцлоо.