Монголын Хуульчдын холбоо нь нийгмийн хариуцлагын хүрээнд “Монголын хушин ойн эко системийг хамгаалах нийгэмлэг” төрийн бус байгууллагатай хамтран “Цөлжилттэй тэмцэхэд хуульчдын оролцоо” уриан дор хуш мод тарих өдөрлөгийг өнөөдөр Богдхан уулын Чулуутын аманд зохион байгууллаа.
Энэхүү үйл ажиллагаанд Захиргааны хэргийн давж заалдах шатны шүүх, Нийслэл дэх Захиргааны хэргийн анхан шатны шүүх, БЗ, СБ, ЧД-ийн Эрүүгийн хэргийн анхан шатны тойргийн шүүх, Улсын ерөнхий прокурорын газар, нийслэл болон төвийн зургаан дүүргийн прокурорын газар, Монголын Хуульчдын холбооны Тамгын газрын хамт олон, ахмад хуульчдын төлөөлөл идэвхтэй хамрагдлаа.
Монголын Хуульчдын холбоо нь “Тэрбум мод” үндэсний хөдөлгөөнийг дэмжиж, мод тарих өдөрлөгийг тогтмол зохион байгуулдаг бөгөөд 550 гаруй мод тариад байна.
Энэхүү үйл ажиллагааг дэмжиж идэвхтэй хамрагдсан хуульчдадаа талархал илэрхийлж, ажлын амжилт хүсье.
