Санхүүгийн хориг арга хэмжээ авах байгууллага (ФАТФ)-ын ээлжит нэгдсэн хуралдаан 2026 оны 6 дугаар сарын 17-19-ний өдрүүдэд Франц улсын Парис хотноо зохион байгуулагдлаа.

Тус хуралдаанаар мөнгө угаах, терроризмыг санхүүжүүлэх болон үй олноор хөнөөх зэвсэг дэлгэрүүлэхийг санхүүжүүлэхтэй тэмцэх чиглэлээр өндөржүүлсэн хяналтад байгаа улс, орнуудын (“саарал” жагсаалт) жагсаалтад өөрчлөлт оруулж, Босни ба Герцеговин болон Ирак улсыг шинээр нэмсэн байна. Мөн Алжир болон Намиби улс ФАТФ-аас тохиролцсон үйл ажиллагааны төлөвлөгөөгөө амжилттай хэрэгжүүлж, газар дээрх шалгалтыг амжилттай давсны үндсэн дээр "саарал" жагсаалтаас хасагджээ.

Харин мөнгө угаах, терроризмыг санхүүжүүлэхтэй тэмцэх чиглэлээр стратегийн дутагдалтай, өндөр эрсдэлтэй улс орнуудын буюу “хар” жагсаалтад өөрчлөлт оруулаагүй буюу Бүгд Найрамдах Ардчилсан Солонгос Ард Улс, Иран улс, Мьянмар улс хэвээр үлдсэн байна.

Түүнчлэн ФАТФ-аас нийт улс орнуудад дээрх өндөр эрсдэлтэй улс орнуудтай холбоотой бизнесийн харилцаа болон санхүүгийн гүйлгээнд эрсдэлд суурилсан байдлаар харилцагчийг таньж мэдэх нарийвчилсан үйл ажиллагаа, шаардлагатай тохиолдолд хариу арга хэмжээг үргэлжлүүлэн хэрэгжүүлэхийг зөвлөсөн. Ингэхдээ хүмүүнлэгийн тусламж, хүнс, эм, эрүүл мэндийн үйлчилгээ, дипломат үйл ажиллагаа болон хувь хүний мөнгөн гуйвуулгатай холбоотой гүйлгээг олон улсын үүрэг, хариуцлагад нийцүүлэн эрсдэлд суурилсан аргачлалаар зохистой хэрэгжүүлэхийг онцлон дурджээ.

 Улмаар 2026 оны 06 дугаар сарын байдлаар ФАТФ-ын “хар” болон “саарал” жагсаалтад дараах улс, орнууд багтаж байна. Үүнд: