Монголын Хуульчдын холбооны Ерөнхийлөгч М.Мөнхбат Шүүхийн сахилгын хорооны дарга С.Энхтөр нар ажил хэргийн уулзалт хийж, цаашдын хамтын үйл ажиллагааны талаар санал солилцлоо. Мөн уулзалтаар хуульчдын мэргэжлийн хариуцлага, ёс зүйн хэм хэмжээг төлөвшүүлэх, салбарын хамтын ажиллагааг өргөжүүлэх асуудлаар ярилцлаа.

Уулзалтын үр дүнд Монголын Хуульчдын холбоо болон Шүүхийн сахилгын хороо хамтран дараах ажлуудыг ойрын хугацаанд зохион байгуулахаар шийдвэрлэв. Үүнд:

•Хууль зүйн салбарын төлөөллүүдийг хамруулсан ёс зүйн симпозиум зохион байгуулах,

•Залуу хуульчдын мэргэжлийн ур чадвар, ёс зүйн ухамсарыг дээшлүүлэх зорилгоор тэдний дунд эрдэм шинжилгээний уралдаан зарлах зэрэг ажлууд багтаж байна.

Уулзалтад Шүүхийн сахилгын хорооны гишүүн Ц.Давхарбаяр, Ажлын албаны дарга Д.Мөнхзориг, Монголын Хуульчдын холбооны Тамгын газрын дарга Ш.Жолбарс болон албан хүмүүс оролцоо.