Ховд аймагт шүүх байгуулагдсаны түүхт 100 жилийн ойг 2026 оны наймдугаар сарын 28-ны өдөр Ховд аймгийн Ховд хотод тэмдэглэн өнгөрүүллээ.

Энэхүү түүхэн ойг тохиолдуулан Монголын Хуульчдын холбооны Ерөнхийлөгч М.Мөнхбат мэндчилгээ дэвшүүлснийг Монголын Хуульчдын холбооны Ховд аймаг дахь салбарын зохицуулагч Т.Цэцэгмаа шүүхийн хамт олонд гардуулан өгч, баярын мэнд хүргэлээ.

Үүний зэрэгцээ шүүхийн байгууллагад олон жил үр бүтээлтэй, идэвх зүтгэл гарган ажилласан Монголын Хуульчдын холбооны гишүүн хуульч, Ховд аймгийн Шүүхийн Тамгын газрын шүүгчийн туслах Д.Төгс-Эрдэнэ, Ө.Мөнхтуул нарыг Монголын Хуульчдын холбооны “Хүндэт тэмдэг”-ээр шагналаа.

Ховдын цэнхэр хязгаарт олон үндэстэн, ястан, угсаатныхаа шударга ёсны манаанд зогсож, Үндсэн хуульд заасан хүний эрх, эрх чөлөөг хангах, хамгаалах, зөрчигдсөн эрхийг сэргээн тогтоох үйл хэргээ амжилттай хэрэгжүүлэн ажиллаж, түүхэн 100 жилийн ойгоо тэмдэглэж байгаа Ховд аймгийн шүүхийн хамт олонд ойн баярын мэнд хүргэж,  үйлс арвин, амжилт бүтээл өрнүүн байхыг хүсэн ерөөе.

МОНГОЛЫН ХУУЛЬЧДЫН ХОЛБОО