Нэгдсэн Үндэстний Байгууллагын Цөлжилттэй тэмцэх тухай конвенцын Талуудын 17 дугаар бага хурал (UNCCD COP17) Монгол Улсад 2026 оны наймдугаар сарын 17–28-ны өдрүүдэд зохион байгуулагдсан. Дэлхийн улс орнуудын төлөөлөгчид, олон улсын байгууллага, эрдэмтэн судлаачид, иргэний нийгэм болон бусад оролцогчдыг хамарсан энэхүү олон улсын үйл ажиллагаанд Монголын Хуульчдын холбооны гишүүн хуульчид идэвхтэй оролцсон билээ.
Тодруулбал, Монголын Хуульчдын холбоо нь COP17 хурлыг зохион байгуулах Үндэсний хорооны Ажлын албатай хамтран ажиллах санамж бичиг байгуулсан бөгөөд энэ хүрээнд Монголын Хуульчдын холбооны Олон Улсын эрх зүйн хорооны 15 хуульч цэнхэр бүсэд, 34 хуульч ногоон бүсэд тус тус ажилласан.
Энэхүү оролцоог өндрөөр үнэлж, COP17 хурлыг зохион байгуулах Үндэсний хорооноос Монголын Хуульчдын холбоо болон гишүүн хуульчдад талархлын бичиг гардууллаа.
Олон Улсын хэмжээний энэхүү үйл ажиллагааны зохион байгуулалтад өөрсдийн мэргэжлийн мэдлэг, ур чадвараар хувь нэмэр оруулсан хуульчдадаа талархал илэрхийлж, ажлын амжилт хүсье.
