Мөнгө угаах болон терроризмыг санхүүжүүлэхтэй тэмцэх тухай хуулийн 4 дүгээр зүйлийн 4.1.9-д заасны дагуу “хуульч” нь мэргэжлийн үйл ажиллагаа эрхлэх явцад мэдээлэх үүрэг хүлээдэг бөгөөд  Монголын Хуульчдын холбооноос Хуульчийн нэгдсэн бүртгэлд “бусад хуульч” ангилалд хамаарах хуульчдын үйл ажиллагаанд зайны болон газар дээрх хяналт хэрэгжүүлэх үүрэгтэй бөгөөд жил хоёр удаа зохион байгуулахаар зохицуулсан.

Бид өнгөрсөн хугацаанд Мөнгө угаах болон терроризмыг санхүүжүүлэхтэй тэмцэх  хөтөлбөрийн хүрээнд зайны хяналтад хамрагдах, мэдээлэх үүрэгтэй хуульчдаас авах асуумжийг цаасан хэлбэрээс цахим хэлбэрт шилжүүлэх ажлыг хэрэгжүүлж зайны хяналтыг үр дүнтэй, хялбар болгоход анхаарч ажилласан билээ.

Иймээс Хуульч Та Мөнгө угаах болон терроризмыг санхүүжүүлэхтэй тэмцэх тухай хуулиар хүлээсэн үүргийн биелэлтээ хангаж Монголын Хуульчдын холбооны цахим хуудсанд байршуулсан Мөнгө угаах болон терроризмыг санхүүжүүлэхтэй тэмцэх зайны хяналтад хамрагдана уу.

Энэхүү зайны хяналтад зөвхөн бусад хуульч ангилалд хамаарах хуульчид хамрагдахыг анхаарна уу!

Зайны хяналт үргэлжлэх хугацаа:2026.09.10-2026.12.20

Холбоос: https://compliance.mglbar.mn/