Хонконгийн Хуульчдын холбооны Байгууллагын хуульч, хуулийн зөвлөхүүд (In-House lawyers)-ийн хорооноос жил тутам зохион байгуулдаг 2023 оны Байгууллагын хуульчид, хуулийн зөвлөхүүдийн бага хурал (2023 Annual Conference of In-house Lawyers) 2023 оны 8-р сарын 16-нд “Дотоод холбогчоос супер холбогч хүртэл (“In-House Connector to Super Connector”) сэдвийн хүрээнд Хонконгод зохион байгуулагдах гэж байна. Өнгөрсөн жилийн чуулганд Хятадын бүс нутгийн 1000 орчим оролцогч цахимаар болон биеэр оролцож дээд амжилт тогтоосон явдал юм. Энэ жилийн бага хурлын хувьд цар тахлын сөрөг нөлөө арилж хэвийн байдалд шилжиж байгаатай холбогдуулан гадаадын хуульч, төлөөлөгчдийг урьж оролцуулж байгаагаар онцлог бөгөөд танхим болон цахимаар оролцох боломжтой. Бага хуралд Хятадын үндэсний хөгжлийн төлөвлөгөөний үр нөлөө, эх газрын Хятад дахь аж ахуйн нэгжүүдийн үүсэл, хил дамнасан маргааныг шийдвэрлэх арга зам, оюуны өмчийн хөгжил, IPO зах зээлийн сэргэлт зэрэг сэдвүүд багтана. Хоёр байгууллагын хамтын ажиллагааны хүрээнд Хонконгийн Хуульчдын холбооноос Монголын Хуульчдын холбооны гишүүн хуульчдыг тус арга хэмжээнд оролцохыг урьж байна. Дэлгэрэнгүй мэдээлэл авахыг хүсвэл alimaa@mglbar.mn хаягаар холбогдоно уу. Жич: Бага хуралд танхимаар оролцох бол төлбөртэй, цахимаар оролцох бол төлбөргүй болно. Үйл ажиллагаанд хамрагдах бүртгэл 2023 оны 8 дугаар сарын 02-ны өдрөөр дуусгавар болно.