ХБНГУ-ын Вурц Бургийн их сургуулийн доктор, профессор Эрик Хилгендорф нь Монголын Хуульчдын Холбооны гишүүн хуульч, судлаачидтай “Эрүүгийн хэргийн шүүхийн шийдвэрт хууль зүйн дүгнэлт гаргах нь” сэдвээр уулзалт, хэлэлцүүлэг зохион байгуулав. Тухайн хэлэлцүүлгээр ХБНГУ-ын Эрүүгийн хэргийн шүүхээс шийдвэр гаргахдаа хууль зүйн дүгнэлт хэрхэн хийдэг, шүүхийн шийдвэрт тавигддаг шалгууруудын талаар мэдээлэл өгсөн бөгөөд оролцогчид Монгол Улсад энэхүү арга, аргачлалыг хэрхэн нэвтрүүлэх боломжтой талаар санал солилцов.

Уулзалтанд Улсын дээд шүүхийн Эрүүгийн хэргийн танхимын тэргүүн Ч.Хосбаяр, Улсын дээд шүүхийн шүүгч Б.Батцэрэн, Б.Амарбаясгалан, М.Пүрэвсүрэн, МХХ-ны Хуульчийн шалгалтын асуудал эрхэлсэн хороо, Хуульчийн үргэлжилсэн сургалтын асуудал эрхэлсэн хорооны гишүүд, судлаачид оролцов.