Монголын Хуульчдын холбооны 10 жилийн ойд зориулсан “Эрүүл мэнд - эх дэлхийгээ хайрлая” уриатай спорт явган аялалыг 2023 оны 09 дүгээр сарын 23-ны өдөр холбооны Тамгын газар болон Байгаль орчны эрх зүйн дэд хороотой хамтран зохион байгууллаа. Уг аялалд Хуульчийн үргэлжилсэн сургалтын асуудал эрхэлсэн хороо, Хуульчдын эрх, хууль ёсны ашиг сонирхлыг хамгаалах асуудал эрхэлсэн хороо, Үндсэн хуулийн эрх зүйн хороо, Прокурорын хороо, Захиргааны эрх зүйн хороо, Иргэний эрх зүйн хороо, Өмгөөлөгчдийн хороо, Өмгөөллийн нөхөрлөлийн хөгжлийг дэмжих асуудал эрхэлсэн хороо, Эдийн засгийн эрх зүйн хороо, Эвлэрүүлэн зуучлалыг дэмжих асуудал эрхэлсэн хороо, Төлбөрийн чадваргүй иргэдэд хууль зүйн туслалцаа, өмгөөллийн үйлчилгээ үзүүлэх асуудал эрхэлсэн хороодын 100 гаруй гишүүд мөн Хууль зүйн туслалцааны төвийн ажилтнууд идэвтэй оролцож Баянзүрх хайрхан – Хар усан тохой гэсэн маршрутаар 10 км явган аялал, мөн буухиа тэмцээнийг зохион байгуулж багууд хурд хүч, авхаалж самбаагаа сорьж нэг өдрийн дурсамж дүүрэн өнгөрөөлөө. Буухиа тэмцээнийг эхний гурван байрт дараах багууд шалгарлаа. Төлбөрийн чадваргүй иргэдэд хууль зүйн туслалцаа, өмгөөллийн үйлчилгээ үзүүлэх асуудал эрхэлсэн хорооны баг тамирчид нэгдүгээр байр Прокурорын хорооны баг тамирчид хоёрдугаар байр Иргэний эрх зүйн хорооны баг тамирчид гуравдугаар байр
МОНГОЛЫН ХУУЛЬЧДЫН ХОЛБООНЫ ТАМГЫН ГАЗАР, БАЙГАЛЬ ОРЧНЫ ЭРХ ЗҮЙН ДЭД ХОРОО
