Захиргааны эрх зүйн хорооноос “Миний дуртай захиргааны эрх зүй” цуврал уулзалтын хүрээнд “2024 оны татварын тайлан: ХХОАТ-ыг тайлагнах нь” сэдэвт өглөөний уулзалтыг 2025 оны хоёрдугаар сарын 12-ны өдөр зохион байгууллаа.

Тус уулзалтын панелистаар өмгөөллийн “Арга партнерс” ХХК-ийн татварын өмгөөлөгч, Захиргааны эрх зүйн хорооны Удирдах зөвлөлийн гишүүн  Б.Баттогтох оролцов. Сэдвийн хүрээнд Хувь хүний орлогын албан татварын тухай хууль, Татварын ерөнхий хуульд заасан хувь хүний орлогын албан татварын тайлагналтай холбоотой суурь ойлголтууд, тайлан гаргахад анхаарах асуудлуудын талаар тайлбарлаж, захиргааны эрх зүйн чиглэлээр ажиллаж буй хуульч, судлаач, эрх зүйч нартай сонирхолтой яриа өрнүүлэв.