Монголын Хуульчдын холбооны Эвлэрүүлэн зуучлалыг дэмжих асуудал эрхэлсэн хорооноос “Хөдөлмөрийн харилцаан дахь Эвлэрүүлэн зуучлал” сэдэвт өглөөний уулзалт, хэлэлцүүлгийг 2025 оны хоёрдугаар сарын 18-ны өдөр  зохион байгууллаа.
     Тус уулзалтын зочин илтгэгчээр хөдөлмөрийн эрх зүй судлаач, хуульч С.Сэргэлэн оролцов. Тэрээр Хөдөлмөрийн хуулийг хэрэгжүүлэхэд тулгамдаж буй асуудлын талаар өөрийн саналыг хуваалцсан бөгөөд хөдөлмөрийн харилцаа дахь хэргийн харьяаллыг хуульд алдаатай зохицуулсныг онцлон тэмдэглэлээ.  
   Мөн Хөдөлмөрийн тухай хуулийн 158 дугаар зүйлийн 158.3 дахь заалтыг хэрэг хянан шийдвэрлэх ажиллагаанд хэрхэн хэрэгжүүлэх болон түүнээс гарах үр дагаврын талаар оролцогчидтой санал солилцсон юм.
   Тус уулзалтад Эвлэрүүлэн зуучлалыг дэмжих асуудал эрхэлсэн хорооны тэргүүн Д.Түмэнжаргал болон Удирдах зөвлөлийн гишүүдийн төлөөлөл оролцлоо.