Монголын Хуульчдын холбоо нь Азийн про боно 13 дахь чуулга уулзалтыг 2025 оны 10 дугаар сарын 03-05-ны өдрүүдэд УБ хотод зохион байгуулах бэлтгэл ажлын хүрээнд Азийн про боно чуулга уулзалтыг санаачлагч “Babseacle” байгууллагын үүсгэн байгуулагч, Ерөнхий захирал Брюс Ласки, Гүйцэтгэх захирал Вэнди Морриш нар Азийн сангийн Монгол дахь суурин төлөөлөгч Сара Тэйлор, Олон Улсын эрх зүйн хөгжлийн байгууллага(IDLO)-ын Суурин төлөөлөгч Чарльз Болланд нартай уулзлаа.
Уулзалтаар Азийн про боно чуулга уулзалтыг зохион байгуулахад Азийн сан, Олон Улсын эрх зүйн хөгжлийн байгууллагын зүгээс дэмжиж, олон чиглэлээр хамтран ажиллахаа илэрхийллээ.
Чуулга уулзалтаар Монгол Улсын хууль эрх зүйн салбарт хэрэгжиж буй олон талт санал санаачилга, төсөл хөтөлбөрүүдийг гадаад дотоодын оролцогчдод таниулах болон хамтын ажиллагааг уялдуулах зэргээр дэмжин ажиллах боломжтойг хэллээ.
