I. Оршил
А. Судлагдахууныг тодорхойлох нь
Б. Аргачлалын тухайд
II. Худалдааны эрх зүй ба иргэний эрх зүй зааглах онолууд
А. Харьцангуйн онол
Б. Системийн онол: объектив ба субъектив системийн тухай маргаан
В. Позитив онолын үр өгөөжгүй байдал
Г. Тусгайлсан зохицуулалт үйлчлэх зарчим нь худалдааны эрх зүйн шинжлэх ухааны тулгамдсан асуудал болох тухай
Д. Дүгнэлт
III. МУ-ын худалдааны эрх зүйг тусгаарлах асуудал

[ТОВЧ УТГА] 

Аливаа асуудлаар эдийн засгийн хувьд оновчтой шийдэлд хүрэхийг хүссэн хууль тогтоогч, хууль хэрэглэгчийн аль нь ч эрх зүйн эдийн засгийн анализын аргыг (economic analysis of law) эзэмших нь зүйтэй. Эрх зүйн эдийн засгийн онол нь гагцхүү төрийн зохицуулалтын механизмыг оновчтой болгоход анхаарлаа хандуулдгаараа онцлогтой. Энэхүү зохицуулалтын механизм гэдэгт эрх зүй болон эдийн засаг ижил түвшний арга хэрэгсэл мэт тооцогдож, хүлээн зөвшөөрөгдсөн байдаг. Тиймээс энэ онолын хүрээнд ямар арга хэрэгслийг хэзээ хэрхэн хэрэглэснээр эдийн засгийн үүднээс мөнгө болон түүхий эдийг хүрэх гэж буй зорилгодоо нийцүүлэн хамгийн үр өгөөжтэй хэлбэрээр ашиглах вэ? гэсэн үндсэн асуултыг шийднэ. Хэлэлцүүлгийн дүнд хууль тогтоох буюу эрх зүйн арга хэрэгслийг ашиглах нь хамгийн зүйтэй гэсэн дүгнэлтэд хүрвэл дараачийн алхамд ямар салбар эрх зүйн хүрээнд, ямар институтийг ашиглан ямар өөрчлөлт хийх нь зүйтэй болохыг шийднэ. Ийнхүү хуульчдын болон эдийн засагчдын мэргэжлийн мэдлэгт тулгуурлан эдийн засгийн арга хэрэгслийг ашиглах замаар бүх хувилбаруудыг тооцож, эдгээрээс нийгэмд хамгийн бага хор хөнөөлтэй буюу хамгийн их үр өгөөжтэйг сонгох нь эдийн засгийн амьдралыг дэвжүүлэх, зохицуулахын үндэс билээ. Тиймээс энэ өгүүлэгийн хүрээнд хууль тогтоогч эдийн засгийн анализын аргыг авч хэрэгжүүлсэн нэгэн жишээг иш үндэс болгож, анализ хийх дарааллыг Та бүхэнд толилуулъя. 

[ТҮЛХҮҮР ҮГС] 

Эрх зүйн эдийн засгийн анализын онол, эдийн засгийн хэлбэр, тогтолцоо, эдийн засгийн эрх чөлөө.