Монголын Хуульчдын холбоо, АНУ-ын Элчин сайдын яамтай хамтран хэрэгжүүлж байгаа “US speaker” хөтөлбөрийн хүрээнд Шүүгчдийн хороо, Иргэний эрх зүйн хороо хэлэлцүүлэг зохион байгуулна. Тус хэлэлцүүлэгт Баянзүрх дүүргийн Иргэний хэргийн анхан шатны шүүхийн шүүгч Т.Энхжаргал, Нийслэл дэх Захиргааны хэргийн анхан шатны шүүхийн шүүгч Л.Батбаатар, Чингэлтэй дүүргийн Эрүүгийн хэргийн анхан шатны шүүхийн шүүгч Л.Галбадар нар илтгэл хэлэлцүүлнэ. Мөн АНУ-ын Аризона мужийн Дээд шүүхийн Ерөнхий шүүгч Роберт Брутинел, АНУ-ын Аризона мужийн шүүхүүд болон харьяа байгууллагуудын Захиргааны дарга Дэйв Байерс нар зочин илтгэгч, панелистаар оролцоно.
     Зочид АНУ-ын Аризона мужийн шүүхийн цахимжилт, хэрэг хянан шийдвэрлэх ажиллагаанд цахим нотлох баримтыг цуглуулах, үнэлэх зэрэгтэй холбоотой асуудлаар харилцан туршлага солилцож, ярилцлага өрнүүлнэ.