Анхдугаар Үндсэн хуулиа баталж, Улсаа тунхагласны 100 жилийн ойг тохиолдуулан Монгол Улсад хүний эрх, эрх чөлөө, шударга ёсыг хамгаалах хуульчийн нэр хүндийг өндөрт өргөж хуулиар хүлээсэн үүргээ нэр төртэйгөөр биелүүлж, Хуульчдын холбоо, хууль зүйн салбарын хөгжилд хувь нэмэр оруулсныг үнэлэн зарим хуульчийг шагнасныг Монголын Хуульчдын холбооны Ерөнхийлөгч П.Одгэрэл гардуулан өгч, баяр хүргэлээ.

Тодруулбал,  Хууль зүй, дотоод хэргийн сайдын 2024 оны 122 тоот тушаалаар “Хууль зүйн албаны тэргүүний ажилтан” хүндэт тэмдгээр хуульч Шаалавын Уранчимэг, Болдбаатарын Ууганбаатар, Хууль зүй, дотоод хэргийн яамны “Хүндэт жуух бичиг”-ээр Бауржаны Досжан нарыг, Монголын Хуульчдын холбооны Ерөнхийлөгчийн 259 дүгээр тушаалаар “Хүндэт тэмдэг”-ээр Улсын ерөнхий прокурорын газрын Шүүхэд төрийг төлөөлөх хэлтсийн Төр, нийтийн ашиг сонирхлыг хамгалаах албаны дарга, ахлах прокурор Доржийн Сарантуяа, Өмнөговь аймгийн Ханбогд сум дундын прокурорын газрын хяналтын прокурор Төмөрхүүгийн Солонго, Зөвлөлийн гишүүн, Эвлэрүүлэн зуучлалыг дэмжих асуудал эрхэлсэн хорооны тэргүүн Даваасүрэнгийн Түмэнжаргал, Зөвлөлийн гишүүн Содсүрэнгийн Баянмөнх, Сангаагийн Эрдэнэсувд, Шихихутуг их сургуулийн эрдэмтэн нарийн бичгийн дарга Бадарчийн Нармандах, Хуульчдын эрх, хууль ёсны ашиг сонирхлыг хамгаалах асуудал эрхэлсэн хорооны Удирдах зөвлөлийн гишүүн Цэнджавын Мөнхбат, Захиргааны эрх зүйн хорооны дэргэдэх Байгаль орчны эрх зүйн дэд хорооны зохицуулагч Рэнчинпүрэвийн Лхагвабаяр, Хууль зүйн туслалцааны төвийн Увс аймаг дахь салбарын Улсын ахлах өмгөөлөгч Мягмаржавын Мөнхөө, Баян-Өлгий аймаг дахь салбарын Улсын ахлах өмгөөлөгч Саясигийн Тилеуберди, Сүхбаатар дүүрэг дэх улсын өмгөөлөгч Аюурзаны Буянжаргал нарыг шагналаа.

Эрхэм хуульчдадаа цаашдын ажилд нь амжилт хүсье.