Монголын Хуульчдын холбооны Ерөнхийлөгч П.Одгэрэл чиг үүргийн хороодын дарга, сайн дурын хороодын тэргүүнүүд, Тамгын газрын мэргэжилтнүүдтэй 2025 оны нэгдүгээр сарын 10-ны өдөр уулзлаа.
Уулзалтын үеэр Монголын Хуульчдын холбооны Тамгын газрын мэргэжилтнүүд 2024 оны тайлан, мэдээллээ танилцуулж, хороодын дарга, тэргүүнүүд 2025 онд хэрэгжүүлэх ажлын талаар санал солилцсон.
Монголын Хуульчдын холбооны Ерөнхийлөгч П.Одгэрэлийн зүгээс хороодыг ажлаа уялдуулж, идэвхтэй ажиллахыг уриалж, 2025 онд хуульчдаа чадавхжуулах, хууль, эрх зүйн орчныг сайжруулахад чиглэсэн ажлуудад онцгойлон анхаарч ажиллахаар төлөвлөөд байгааг дуулгасан юм.
Тус уулзалтад Хуульчдын холбооны Тамгын газрын дарга Ш.Жолбарс, Хууль зүйн сургуулийг магадлан итгэмжлэх хорооны дарга Х.Сэлэнгэ, Хуульчийн үргэлжилсэн сургалтын асуудал эрхэлсэн хорооны дарга Б.Өнөрмаа, Хуульчийн мэргэжлийн шалгалтын хорооны дарга Б.Амарбаясгалан, Хуульчдын эрх, хууль ёсны ашиг сонирхлыг хамгаалах хорооны дарга Ш.Алтангадас, Үндсэн хуулийн эрх зүйн хорооны тэргүүн Ш.Цогтоо, Шүүгчдийн хорооны тэргүүн С.Энхбаяр, Захиргааны эрх зүйн хорооны тэргүүн Т.Мөнх-Эрдэнэ, Прокурорын хорооны тэргүүн Ж.Болорпүрэв, Өмгөөллийн нөхөрлөлийн хөгжлийг дэмжих хорооны тэргүүн Д.Түвшинтамир, Олон Улсын эрх зүйн хорооны тэргүүн Х.Наранбулаг, Төлбөрийн чадваргүй иргэнд хууль зүйн туслалцаа, өмгөөллийн үйлчилгээ үзүүлэх асуудал эрхэлсэн хорооны тэргүүн Р.Булгамаа, Хуульчийн нийтэд тустай мэргэжлийн үйл ажиллагаа эрхлэх хорооны Удирдах зөвлөлийн гишүүн Б.Энхчимэг, Эдийн засгийн эрх зүйн хорооны тэргүүн Б.Баасандорж нар оролцсон.
