Монголын Хуульчдын холбоо нь Азийн про боно 13 дахь чуулга уулзалтыг 2025 оны 10 дугаар сарын 03-05-ны өдрүүдэд Монголд зохион байгуулахаар бэлтгэл ажлыг хангаж буй юм. Энэ хүрээнд Азийн про боно чуулга уулзалтыг санаачлагч “Babseacle” байгууллагын үүсгэн байгуулагч, Ерөнхий захирал Брюс Ласки, Гүйцэтгэх захирал Вэнди Морриш нар 2025 оны 04 дүгээр сарын 14-20-ны өдрүүдэд манай улсад ажиллахаар хүрэлцэн ирээд байна.
Тэднийг өнөөдөр Монголын Хуульчдын холбооны Ерөнхийлөгч П.Одгэрэл хүлээн авч уулзлаа. Уулзалтад Монголын Хуульчдын холбооны Тамгын газрын дарга Ш.Жолбарс, Азийн про боно 13 дахь чуулга уулзалтыг зохион байгуулах Ажлын хэсгийн гишүүн Л.Энхсайхан, Ц.Одонжав, О.Билгүүн болон холбогдох бусад мэргэжилтнүүд оролцсон. Уулзалтаар тус чуулга уулзалтын бэлтгэл ажлыг танилцуулж, хөтөлбөр, сэдэв болон зохион байгуулалт, бэлтгэл ажлын талаар санал солилцлоо.
