Монголын Хуульчдын холбоо нь “Легал академи”-тай 2025 оны 05 дугаар сарын 05-ны өдөр хамтран ажиллах санамж бичиг байгууллаа. Санамж бичигт Монголын Хуульчдын холбооны Ерөнхийлөгч П.Одгэрэл, “Легал академи”-ийн Захирал Д.Энхзулыг төлөөлж тус академийн менежер Б.Аззаяа нар гарын үсэг зурж баталгаажуулав.

Санамж бичгийн хүрээнд Хуульчийн үргэлжилсэн сургалтыг боловсронгуй болгох, хамтарсан төсөл, хөтөлбөрийг хэрэгжүүлэхийн зэрэгцээ эрх зүйчдийг хуульчийн мэргэжлийн шалгалтад системтэй бэлдэх зорилгоор эрх зүйн онол-практик хосолсон агуулга бүхий сургалтын хөтөлбөр, төлөвлөгөө боловсрулах, хууль эрх зүйн мэдлэгийг тасралтгүй дээшлүүлэх чиглэлээр хамтарсан төсөл, хөтөлбөрийг хэрэгжүүлэх юм.