Монголын хуульчдын холбооны Хуульчийн нийтэд тустай мэргэжлийн үйл ажиллагаа эрхлэх хорооноос хууль зүйн их, дээд сургуулийн оюутнуудын дунд “Пробоно-Хуульчийн нийтэд тустай мэргэжлийн үйл ажиллагааны эрх зүйн зохицуулалтын онцлог, тулгамдаж буй асуудал” сэдэвт эрдэм шинжилгээний илтгэлийн уралдаан зохион байгууллаа.
Илтгэлийн уралдаанд Монгол Улсын Их Сургуулийн Хууль зүйн сургууль, Дотоод хэргийн их сургууль, Их Засаг Олон Улсын Их Сургуулийн Хууль зүйн сургууль, Шихихутуг их сургуулийн оюутнууд илтгэл ирүүлснээс 10 илтгэлийг хоёрдугаар шатанд хэлэлцүүлэхээр шийдвэрлэж 2023 оны 04 сарын 27-ний өдөр ХЗҮХ-н Хуульчдын танхимд илтгэлүүдийг хэлэлцүүлж, шилдгүүдийг тодрууллаа.
Уралдааны шүүгчээрМХХ-ны Зөвлөлийн гишүүн, доктор В.Удвал, МХХ-ны Зөвлөлийн гишүүн, доктор Б.Өнөрмаа, МХХ-ны ХНТМҮАЭХ-ны тэргүүн Г.Цагаанбаяр, МХХ-ны ХНТМҮАЭХ-ны УЗ-ийн гишүүн, хуульч, өмгөөлөгч Г.Бат-Отгон, МХХ-ны Зөвлөлийн нарийн бичгийн дарга, ахлах мэргэжилтэн Ж.Бариаширсүрэн нар ажиллалаа.
Нэгдүгээр байранд МУИС-н Хууль зүйн сургуулийн IV түвшний оюутан Е.Гүлбану “Шүүхээр хамгаалуулах стратегийн өмгөөлөл ба захиргааны хэргийн шүүхэд нэхэмжлэл гаргах эрх зүйн зохицуулалт" сэдэвт илтгэл,
Хоёрдугаар байранд ДХИС-ийн Эрх зүй, нийгмийн ухааны сургуулийн 221-р дамжааны оюутан М.Энхням, Н.Эрдэнэтуяа нарын "Про боно буюу хуульчийн нийтэд тустай үйл ажиллагааны эрх зүйн зохицуулалт ба онол практикийн асуудал харьцуулсан судалгаа" сэдэвт илтгэл,
Гуравдугаар байранд МУИС-ын хууль зүйн сургуулийн IV түвшний оюутан Л.Энхсайханы "Хуульчийн нийтэд тустай мэргэжлийн үйл ажиллагааг санхүүжилт ба татварын системийг боловсронгуй болгох замаар сайжруулах нь" сэдэвт илтгэл,
Тусгай байранд МУИС-ын хууль зүйн сургуулийн IV түвшний оюутан Э.Минжиний "Хуульчийн нийтэд тустай мэргэжлийн үйл ажиллагааны зохицуулалтыг боловсронгуй болгох нь" сэдэвт илтгэл мөн Шихихутуг их сургуулийн III түвшний оюутан Т.Түвшинжаргалын "Пробоно-Захиргааны хэрэг шүүхэд хянан шийдвэрлэх ажиллагаанд нийтийн эрх ашгийг төлөөлөн өмгөөлөгч нэхэмжлэл гаргах нь" сэдэвт илтгэлүүд шалгарлаа.
Шагналыг 2023 оны 05 сарын 01-ний өдөр "Хуульчийн про боно-2023" арга хэмжээний үеэр Сүхбаатарын талбайд гардуулна.
