Хуульчдын холбооны Хуульчийн нийтэд тустай мэргэжлийн үйл ажиллагаа эрхэлсэн хорооноос “Хуульчийн про боно-2026” өдрийг угтаж “Хүндлэлээр нөхөрлөе” сэдэвт сургалтыг Нийслэл болон 21 аймгийн Ерөнхий боловсролын дунд, ахлах ангийн сурагчдад 2026 оны дөрөвдүгээр сарын 27-ноос тавдугаар сарын 01-ний өдрийн хооронд зохион байгууллаа.
Үе тэнгийн дээрэлхэлт, гадуурхалтын талаар ойлголт, мэдээлэл өгөх, бусдын ялгаатай байдлыг хүлээн зөвшөөрөх, хариуцлагын ухамсар, зан үйлийн зөв төлөвшлийг бий болгох зорилгоор зохион байгуулсан тус сургалтад нийт 86 сургуулийн 15151 сурагч хамрагдлаа.
Хуульчийн нийтэд тустай мэргэжлийн үйл ажиллагаа эрхлэх ажлын хүрээнд тус сургалтад сайн дураар оролцож сургагч багшаар ажилласан Аймгийн шүүхийн шүүгчид, Нийслэл, дүүрэг, орон нутгийн Прокурорын газрын прокурорууд, Хүний эрхийн Үндэсний комиссын референтүүд, Цагдаагийн байгууллагын алба хаагчид, хуульч, өмгөөлөгч, улсын өмгөөлөгч, 21 аймгийн салбарын зохицуулагч нарт болон сургалтын хөтөлбөр боловсруулах, сургагч багш бэлтгэхэд хамтран ажилласан ахмад шүүгч Э.Ариунаа, хуульч өмгөөлөгч Б.Ариунбуян, ХНТМҮАЭХ-ны Удирдах зөвлөлийн гишүүн Л.Энхсайхан нарт ТАЛАРХАЛ ИЛЭРХИЙЛЖ, цаашдын ажилд нь амжилт хүсье.
МОНГОЛЫН ХУУЛЬЧДЫН ХОЛБОО
