Монголын Хуульчдын холбооны Үндсэн хуулийн эрх зүйн хорооноос “Монгол Улсын Үндсэн хуулийн цэцийн тухай хуулийн шинэчилсэн найруулгын төсөл”, “Үндсэн хуулийн цэцэд маргаан хянан шийдвэрлэх тухай хуулийн шинэчилсэн найруулгын төслийн үзэл баримтлал” сэдэвт танилцуулга, хэлэлцүүлгийг 2026 оны 10 дугаар сарын 13-ны өдөр зохион байгууллаа.

Хэлэлцүүлэгт Монголын Хуульчдын холбооны Ерөнхийлөгч М.Мөнхбат, Монгол Улсын Үндсэн хуулийн Цэцийн гишүүн асан В.Удвал, Ш.Цогтоо, доктор Б.Гүнбилэг тэргүүтэй хуульч, судлаач, эрдэмтэд болон УИХ-ын Тамгын газрын дэргэдэх Парламентын судалгаа, хөгжлийн хүрээлэнгийн судлаачид оролцов.

Хуулийн төслийн үзэл баримтлалыг Улсын Их Хурлын гишүүн Х.Тэмүүжин танилцуулж, Монгол Улсын Үндсэн хуулийн зарчим, үнэт зүйлд Цэцийн эрх зүйн зохицуулалтыг нийцүүлэх, Үндсэн хуулийн цэцийн үйл ажиллагааны эрх зүйн үндсийг шинэчлэх тухай ярилаа. Мөн тэрбээр хуулийн төслүүдийн үзэл баримтлал, зохицуулалтын уялдаа холбоо, практикт хэрэгжих боломж, хүний эрх, эрх чөлөөг хамгаалах болон Үндсэн хуульт ёсыг бэхжүүлэхэд ач холбогдолтой тухайд хуульч, судлаач, эрдэмтдийн санал, бодлыг сонсч, сонирхсон асуултад нь хариуллаа.
Энэхүү хуулийн өөрчлөлтийн гол ач холбогдол нь иргэний үндсэн эрхийг зөрчсөн талаарх гомдлыг Үндсэн хуулийн цэцэд хянах нөхцөл бүрдэх бөгөөд Монгол Улсын Үндсэн хуульд тунхагласан хүний эрхийг Үндсэн хуулийн нэрийн өмнөөс бодитой хамгаалах боломжтой болоход оршиж буй юм.