Монголын Хуульчдын холбооноос Хансс-Зайделийн сан, МУИС-ийн Герман, Европын эрх зүйн төвтэй хамтран Хуулийн төсөл боловсруулагчийн сертификат олгох сургалтыг зохион байгууллаа.
Сургалтыг Монголын Хуульчдын холбооны Тамгын газрын дарга Ш.Жолбарс, Ханнс-Зайделийн сангийн Ардчиллын тогтолцоог дэмжих төсөл хариуцсан менежер С.Бүжинлхам нар нээж, "Бид цаашид хууль тогтоомж боловсруулах үйл ажиллагааг илүү мэргэжлийн, судалгаанд суурилсан, нэгдсэн арга зүйтэй, үр дүнд чиглэсэн болгохын төлөө ажиллах ёстой. Үүнд энэхүү сургалт тодорхой хувь нэмэр оруулна гэдэгт итгэж байна" гэдгийг онцолсон.
Энэ удаагийн сургалтыг 6 үндсэн сэдэв, 24 дэд сэдвийн хүрээнд явуулж, Герман, Европын эрх зүйн төвийн захирал, Хууль зүйн ухааны доктор (Ph. D), дэд профессор Т.Золбоо, Монголын Хуульчдын холбооны Ерөнхийлөгч М.Мөнхбат, Герман, Европын эрх зүйн төвийн ахлах судлаач, Хууль зүйн ухааны доктор Д.Баяр, Герман, Европын эрх зүйн төвийн ахлах судлаач, Хууль зүйн ухааны доктор Б.Баасандорж, Герман, Европын эрх зүйн төвийн ахлах судлаач, Хууль зүйн ухааны доктор (Ph. D), дэд профессор Б.Батбаяр, Монголын Хуульчдын холбооны сургагч багш Г.Оюунболд нар хичээл зааж, сургалтад оролцогчдын сонирхсон асуултад хариулж, чөлөөт хэлэлцүүлэг өрнүүлсэн юм.
Тус сургалтад 30 орчим хуульч хамрагдаж гэрчилгээ гардан авлаа.