Монголын Хуульчдын холбооны Эдийн засгийн эрх зүйн хорооны зүгээс Улаанбаатар хотын худалдааны танхимтай хамтран Хууль зүй, дотоод хэргийн яамнаас боловсруулсан Төлбөрийн чадваргүйдлийн тухай хуулийн үзэл баримтлал, төслийн хүрээнд өглөөний уулзалт, чөлөөт хэлэлцүүлгийг зохион байгууллаа.

Тус өглөөний уулзалтад Монголын Хуульчдын холбооны гишүүн хуульчид, тус танхимын бизнес эрхлэгчдийн төлөөлөл хүрэлцэн ирж санал солилцсон бөгөөд төслийг Хувийн эрх зүйн Хэлтсийн даргын албан үүргийг түр орлон гүйцэтгэгч О.Оюунзул танилцуулж мэдээлэл өгсөн.

Хэлэлцүүлгийг хамтран зохион байгуулсан Улаанбаатар хотын худалдааны танхимын гүйцэтгэх захирал Б.Хаш-Эрдэнэ, төслийн танилцуулгыг цаг зав гарган бэлтгэж хуульчдад танилцуулсан Хувийн эрх зүйн хэлтсийн дарга О.Оюунзул, хүрэлцэн ирсэн хуульчдадаа талархал илэрхийлье.

Тус хуулийн төсөлтэй холбоотой саналаа бичгээр болон otgontsetseg@mglbar.mn мэйл хаягаар 2025 оны тавдугаар сарын дотор ирүүлэх нь нээлттэй юм.