Монголын Хуульчдын холбооны Эдийн засгийн эрх зүйн хорооны Тэргүүн болон Удирдах зөвлөлийн гишүүдийн бүрэн эрхийн хугацаа дуусгавар болсонтой холбогдуулан 2026 оны 02 дугаар сарын 03-09-ний өдрүүдэд цахим сонгуулийг зохион байгуулсан.

Тус сонгуульд оролцсон хорооны гишүүдийн олонхын санал авсан хуульчдыг Зөвлөлийн 2026 оны 02 дугаар сарын 10-ны өдрийн 02 дугаар тогтоолоор батламжилсан бөгөөд Эдийн засгийн эрх зүйн хорооны Удирдах зөвлөлийн шинэ бүрэлдэхүүн 2026 оны 03 дугаар сарын 05-ны өдөр анхны хурлаа зохион байгууллаа.

Хурлаар Эдийн засгийн эрх зүйн хорооны 2026 оны үйл ажиллагааны төлөвлөгөөг шинэчлэн батлах, эдийн засгийн эрх зүйн чиглэлээр форум, сургалт, хэлэлцүүлэг зохион байгуулах, цаашдын хамтын ажиллагааны чиглэл, арга хэлбэрийн талаар ярилцав.

Мөн хорооны Тэргүүн С.Энхбаяр гишүүдийг бүрэн эрхийн хугацаандаа хорооны үйл ажиллагаандаа идэвх санаачилгатай оролцохыг уриалж, Эдийн засгийн эрх зүйн хорооны нийт гишүүдийн бүртгэлийг шинэчлэн сайжруулах, тэдний оролцоог нэмэгдүүлэх чиглэлд онцгойлон анхаарч ажиллахаа илэрхийллээ.