Улаанбаатар хотын худалдааны танхим, Үндэсний ба Олон Улсын Арилжааны арбитраас Монголд үйл ажиллагаа эрхэлж буй гадаадын хөрөнгө оруулалттай аж ахуй нэгжүүдэд хууль, эрх зүйн зөвлөгөө өгөх зорилготой “УЛААНБААТАР ХӨРӨНГӨ ОРУУЛАЛТ ДОЛОО ХОНОГ” үйл ажиллагааг 2026 оны 03 дугаар сарын 16-20-ны өдрүүдэд зохион байгуулж байгаа билээ.

Энэ хүрээнд 2026 оны 03 дугаар сарын 17-ны өдөр зохион байгуулсан “ГАДААДЫН ХӨРӨНГӨ ОРУУЛАГЧДАД ЗОРИУЛСАН ХУУЛИЙН ӨДӨРЛӨГ”-т Монголын Хуульчдын холбооны Эдийн засгийн эрх зүйн хороог төлөөлөн тус хорооны Удирдах Зөвлөлийн гишүүн О.Анударь “Монгол Улсад хэрэгжих PPP төслүүд ба АМНАТ-ийн эрх зүйн зохицуулалт” сэдвээр, Удирдах Зөвлөлийн гишүүн Б.Насандэлгэр “Монгол Улсад бизнесийн үйл ажиллагаа явуулахад анхаарах хуулийн зарим асуудлууд” сэдвээр гадаадын хөрөнгө оруулалтыг дэмжих шинэчлэлтийн үед гарч буй шилжилтийн үеийн зохицуулалтыг хөндөж илтгэл хэлэлцүүллээ.