ЮНЕСКО болон Оксфордын их сургуулийн Бонаверо хүний эрхийн хүрээлэнгээс хамтран зохион байгуулж буй “Үзэл бодлоо илэрхийлэх эрх чөлөө” сэдэвт олон нийтэд нээлттэй цахим сургалт (MOOC) 2026 оны 10 дугаар сарын 5-ны өдрөөс эхлэн зарлажээ.

Тус сургалт нь шүүгч, прокурор, өмгөөлөгч, хуульч, шүүхийн сургалтын байгууллагын төлөөлөл болон хуулийн чиглэлээр суралцаж буй оюутнуудын үзэл бодлоо илэрхийлэх эрх чөлөө, хэвлэлийн эрх чөлөө, мэдээлэл авах эрх, сэтгүүлчдийн аюулгүй байдлын талаарх олон улсын болон бүс нутгийн хэм хэмжээний мэдлэг, чадавхыг бэхжүүлэх зорилготой аж.

Сургалтын хүрээнд дараах таван үндсэн сэдвийг судална. Үүнд:

1. Үзэл бодлоо илэрхийлэх эрх чөлөөний ерөнхий зарчим, хамрах хүрээ;
2. Үзэл бодлоо илэрхийлэх эрх чөлөөнд тавьж болох хууль ёсны хязгаарлалт;
3. Мэдээлэл авах эрх;
4. Сэтгүүлчдийн аюулгүй байдал;
5. Цахим шилжилтийн шинэ чиг хандлага, тэдгээрийн үзэл бодлоо илэрхийлэх эрх чөлөөнд үзүүлэх нөлөө.

Сургалт нь таван долоо хоног үргэлжлэх бөгөөд араб, хятад, англи, франц, орос, испани болон португал хэлээр явагдана. Сургалт нь үнэ төлбөргүй бөгөөд амжилттай дүүргэсэн оролцогчдод гэрчилгээ олгох юм байна.

Хуульчид та бүхнийг сургалтад идэвхтэй хамрагдахыг урьж байна. 

Бүртгэлийн холбоос:
ЮНЕСКО–Оксфордын цахим сургалтад бүртгүүлэх