Монголын Хуульчдын холбоо
Mongolian Bar association
Утас
70116004 
И-мэйл
info@mglbar.mn
“ШҮҮХ ЭРХ МЭДЛИЙН БАЙГУУЛЛАГУУДЫН ЦАХИМЖИЛТ БА ШИНЭЧЛЭЛТ” ХЭЛЭЛЦҮҮЛЭГ БОЛЛОО

      Монголын Хуульчдын  холбооны Иргэний эрх зүйн хорооноос санаачлан “Шүүх эрх мэдлийн байгууллагуудын цахимжилт ба шинэчлэлт” сэдэвт хэлэлцүүлгийг 2023 оны 03 дугаар сарын 02-ны өдөр зохион байгууллаа.

     Хэлэлцүүлгийг нээж Монголын Хуульчдын холбооны Ерөнхийлөгч П.Одгэрэл, Хууль зүй, дотоод хэргийн Сайд Х.Нямбаатар, Шүүхийн ерөнхий зөвлөлийн дарга Р.Онончимэг, Цахим хөгжил, харилцаа холбооны Дэд Сайд Ж.Эрхэмбаатар нар үг хэллээ.

     Зочин, оролцогчоор Монгол Улсын Дээд шүүх, Шүүхийн Ерөнхий зөвлөл, Шүүхийн сахилгын хороо, Хууль зүй, дотоод хэргийн яам, Цахим хөгжил, харилцаа холбооны яам, Улсын Ерөнхий прокурорын газар, Цагдаагийн Ерөнхий газар, Шүүхийн шийдвэр гүйцэтгэх Ерөнхий газар, Монголын Өмгөөлөгчдийн холбоо, Германы олон улсын хамтын ажиллагааны нийгэмлэг, Европын холбооноос Монгол Улсад суугаа төлөөлөгчийн газар, АНУ-ын Элчин сайдын яам, Ханнс зайдел сан зэрэг байгууллагын төлөөллүүд оролцсон.

     Дэлхий даяар цахим хувьсгал, дижитал шилжилт эрчимтэй явагдахын зэрэгцээ Монгол Улсын Засгийн газраас цахим шилжилтийн үйл явцыг шат дараатай хэрэгжүүлж байгаа. Энэ цаг үед шүүх эрх мэдлийн байгууллагууд цахим шилжилтээс хоцрохгүй байх нь нэн чухал юм. Шүүх эрх мэдлийн байгууллагуудын цахим шилжилт шинэ түвшинд гарахад хууль эрх зүйн орчин шаардлагатайгаас гадна хоорондын мэдээлэл солилцоо, өгөгдөл дамжуулах үйл явцад интеграци хийх, технологид суурилсан шинэ дэд бүтцийг бий болгохоос гадна программ хангамж, системийн хөгжүүлэлт, кибер аюулгүй байдлыг хангах талаар үнэтэй санал, дүгнэлтүүдийг хэлэлцлээ.

    Хэлэлцүүлгийн эхний хэсэгт дараах илтгэлийг хэлэлцүүлсэн. Үүнд:

  1. “Цагдаагийн байгууллагын цахимжуулалт ба цаашдын чиг хандлага” сэдвээр Цагдаагийн ерөнхий газрын Мэдээлэл, дүн шинжилгээ, шуурхай удирдлагын албаны Статистик мэдээллийн хэлтсийн дарга, цагдаагийн дэд хурандаа Д.Жанчивдорж,
  2. “Прокурорын байгууллагын цахимжилт, бусад байгууллагын уялдаа”  сэдвээр Улсын ерөнхий прокурорын газрын дэргэдэх Сургалт, судалгааны хүрээлэнгийн Сургалтын албаны дарга, ахлах прокурор Ц.Насанбат,
  3. “Хэрэг хянан шийдвэрлэх ажиллагаанд зарим хэргийг цахимжуулах нь” сэдвээр Баянзүрх дүүргийн Эрүүгийн хэргийн анхан шатны шүүхийн Ерөнхий шүүгч Н.Одонтуул,
  4. “Шүүхийн шийдвэр гүйцэтгэх ажиллагааны цахимжилт, өнөөгийн нөхцөл байдал” сэдвээр Нийслэлийн шүүхийн шийдвэр гүйцэтгэх газрын  Хорихоос өөр төрлийн ял эдлүүлэх хэлтсийн дарга, хошууч Э.Итгэлтөгс,
  5. “Цахимжилт ба Хүний эрх” сэдвээр Өмгөөллийн “ЭмДиЭс энд ХаанЛекс” ХХН-ийн гишүүн, өмгөөлөгч Ж.Майзориг нар илтгэл танилцуулсан юм.

     Хэлэлцүүлгийн хоёрдугаар хэсгийг Нийслэлийн Иргэний хэргийн давж заалдах шатны шүүхийн шүүгч, Монголын Хуульчдын холбооны Иргэний эрх зүйн хорооны тэргүүн Г.Даваадорж чиглүүлж, Хууль зүй, дотоод хэргийн яамны Төрийн нарийн бичгийн дарга П.Сайнзориг, Шүүхийн ерөнхий зөвлөлийн гишүүн Н.Баасанжав, Цахим хөгжил, харилцаа холбооны Дэд Сайд Ж.Эрхэмбаатар, “Блокчэйн сольюшинс” ХХК-ийн захирал, Тео Блокчэйн үүсгэн байгуулагч М.Золжаргал, “Ньюсоник” ХХК-ийн гүйцэтгэх захирал Д.Анхбаяр нар хууль, эрх зүйн орчныг боловсронгуй болгох, байгууллага хоорондын мэдээлэл солилцох, өгөгдөл дамжуулах уялдааг хангах, цахим гарын үсгийн хэрэглээ зэрэг асуудлаар санал солилцсон. Оролцогчид шүүх эрх мэдлийн байгууллагуудын цахимжилтыг дэмжиж байсан бөгөөд цаашид  илүү боловсронгуй болгох тал дээр санал нэгдэж, зөвлөмж гаргаж, холбогдох байгууллагуудад хүргүүлэхээр боллоо.

 

 

Холбоотой мэдээлэл
0 Сэтгэгдэл
ШИНЭ МЭДЭЭ
Хуульчийн үргэлжилсэн сургалт болно
2023-05-31 14:19
НҮБ-ын конвенцийн алдаатай орчуулга эрүүгийн хуульд сөргөөр нөлөөлж буй тохиолдол
2023-05-31 12:16
“Байгаль орчны хууль, эрх зүйн чиглэлээр эрх зүйн хөтчийг чадавхжуулах сургалт”-ыг Говь-Алтай болон Ховд аймагт зохион байгууллаа
2023-05-30 11:16
Монголын Хуульчдын холбоо Улсын Их Хурлын Тамгын газартай хамтран ажиллах “Санамж бичиг” байгууллаа.
2023-05-30 11:04
“Мөнгө угаах гэмт хэрэг: онол, практикийн асуудал” оюутны эрдэм шинжилгээний илтгэлийн уралдааныг зохион байгууллаа
2023-05-30 08:47
Хуульчид нийгмийн хариуцлагын хүрээнд мод тарилаа
2023-05-29 20:20
Шүүхийн ил тод байдал: Шүүгчийн тусгай санал ба саналын тооны харьцааг нийтлэх шаардлага
2023-05-29 18:13
Хэм хэмжээ гэмт хэргийн бүрэлдүүний үндэс болох нь
2023-05-29 18:04
Үндсэн хуулийн нэмэлт, өөрчлөлтийн түүх ба үндсэн хуулийн зөрчил
2023-05-29 17:54
Үндсэн хууль бүтээх үйл ажиллагаа: 1992 онд үндсэн хууль батлахад нөлөөлсөн нийгмийн хүчин зүйлсийг тодорхойлох нь
2023-05-29 17:48
Олон улсын гэрээг дотоодын шүүхэд хэрэглэх асуудал
2023-05-29 17:30
Худалдааны эрх зүйг иргэний эрх зүйгээс зааглах онолууд кодификацын асуудал болох нь
2023-05-27 20:27
Иргэний хэргийг шүүхэд хянан шийдвэрлэх ажиллагаа дахь хууль хэрэглээний нэгдмэл байдалд дүн шинжилгээ хийх нь
2023-05-27 20:14
Ш.Цогтоо: Дээрээ ямар ч удирдлага хяналтгүй нэг танхимт парламентын гишүүдийн тоо цөөн, эсвэл олон байхаас үл хамаарч тэр өөрөө өөрийгөө ялзруулдаг. Монголыг одоо зоримог эрэмгий шинэтгэл аварна
2023-05-25 08:28
ХУУЛЬ БОЛОВСРУУЛАГЧИЙН СУРГАЛТ ЗОХИОН БАЙГУУЛАГДАЖ БАЙНА
2023-05-24 11:02
ХУУЛЬЧДЫН АНХААРАЛД
2023-05-24 09:22
ИРГЭНИЙ ХУУЛИЙН ХЭРЭГЛЭЭГ ХАРЬЦУУЛСАН ЭРХ ЗҮЙН ҮҮДНЭЭС
2023-05-23 08:31
ХУУЛЬЧДЫН ХОЛБООНЫ ШИЛЖИН ЯВАХ ЦОМ - 2023 ИРГЭНИЙ ЭРХ ЗҮЙН ХОРОО
2023-05-18 16:44
ХУУЛЬ ЗҮЙ, ДОТООД ХЭРГИЙН САЙДЫН НЭРЭМЖИТ ЭРДЭМ ШИНЖИЛГЭЭНИЙ “ШИЛДЭГ БҮТЭЭЛ”, “ШИЛДЭГ ИЛТГЭЛ”, “ГРАНТ ОЛГОХ ТӨСӨЛ”-ИЙН 2023 ОНЫ ШАЛГАРУУЛАЛТАД ОРОЛЦОХЫГ УРЬЖ БАЙНА.
2023-05-18 16:17
“ХУУЛЬ ЗҮЙН БОЛОВСРОЛЫН ТУЛГАМДСАН АСУУДАЛ, ШИЙДВЭРЛЭХ АРГА ЗАМ” СЭДЭВТ ЭРДЭМ ШИНЖИЛГЭЭНИЙ ХУРАЛД ОРОЛЦОХЫГ УРЬЖ БАЙНА
2023-05-18 16:06