Монголын Хуульчдын холбооны Хуульчийн нийтэд тустай мэргэжлийн үйл ажиллагаа эрхлэх хороо нь Хуульчийн эрх зүйн байдлын тухай хууль болон Хуульчдын холбооны дүрэмд заасны дагуу хуульчид бусдаас хөлс авахгүйгээр нийтийн тусын тулд болон нийгмийн эмзэг бүлгийн иргэдийн эрх, хууль ёсны ашиг сонирхлыг төлөөлөн хамгаалах зорилгоор үзүүлж байгаа хууль зүйн туслалцаа, өмгөөллийн үйлчилгээ, иргэний эрх зүйн боловсролыг дээшлүүлэх зорилготой аливаа үйл ажиллагааг дэмжин ажилладаг.

Монголын Хуульчдын холбоо нь 2019 оноос эхлэн “Хуульчийн Про боно” өдөрлөгийг жил бүрийн 05 сарын 01-ний өдөр төрийн болон төрийн бус байгууллагууд, аймаг, нийслэлийн Засаг даргын Тамгын газруудтай хамтран зохион байгуулж ирсэн бөгөөд тус өдөрлөгийн хүрээнд нийт 20,000 орчим иргэнд үнэ төлбөргүй хууль, эрх зүйн зөвлөгөө мэдээлэл авах боломжийг бүрдүүлсэн байна.

2023 онд Монголын Хуульчдын холбооны 10 жилийн ой тохиож байгаатай холбогдуулан “Хуульчийн Про боно өдөр 2023” өдөрлөгийг улсын хэмжээнд зохион байгуулахаар төлөвлөн ажиллаж байгаа бөгөөд уг арга хэмжээний хүрээнд Нийслэлийн 9 дүүрэг болон 21 аймгийн Ерөнхий боловсролын сургуулийн дунд, ахлах ангийн сурагчдад "Нууцтай байх эрх" сэдвээр сургалт орох хуульчдыг бүртгэж байна. Тус үйл ажиллагаанд оролцох хүсэлтэй хуульчид   https://forms.gle/v2CqJukuGARyx3F9A  холбоосоор бүртгүүлнэ үү.