Монголын Хуульчдын холбооны Хуульчийн мэргэжлийн дүрэм, ёс зүйн асуудал эрхэлсэн хорооны гишүүдийн бүрэн эрхийн хугацаа дуусгавар болсонтой холбогдуулан тус хорооны гишүүнд нэр дэвшигчдийг бүртгэж байна. Хуульчийн мэргэжлийн дүрэм, ёс зүйн асуудал эрхэлсэн хорооны гишүүнд нэр дэвшигч нь дор дурдсан шаардлагыг хангасан байна. Үүнд:
1. Сүүлийн гурван жилийн хугацаанд мэргэжлийн ёс зүйн зөрчил гаргасан үндэслэлээр хариуцлага хүлээж байгаагүй;
2. Хуульчийн ёс зүйн асуудлаар хийсэн судалгаа, шинжилгээний ажил нь нийтийн хүртээл болсон.
“Хуульчийн мэргэжлийн дүрэм, ёс зүйн асуудал эрхэлсэн хорооны гишүүнд нэр дэвшүүлэх үйл ажиллагааны удирдамж”-д заасан шаардлага хангасан нэр дэвшигчийн материалыг 2024 оны 1 дүгээр сарын 22-оос 2024 оны 2 дугаар сарын 05-ны өдөр хүртэл Монголын Хуульчдын холбооны Тамгын газар “Чингэлтэй дүүрэг, Сүхбаатарын талбай-7, Хууль зүйн үндэсний хүрээлэнгийн 4 давхар, 403 тоот/, “bsuren187@gmail.com” /мэргэжилтэн Г.Бямбасүрэн-70116364 /9/ хаягаар хүлээн авна.
