БНСУ-ын Пусан хотын ИТХ-ын дарга Ан Сонг Мин тэргүүтэй төлөөлөгчид энэ өдрүүдэд манай улсад албан ёсны айлчлал хийж байгаа билээ.

   Төлөөлөгчдийг Монголын Хуульчдын холбооны Ерөнхийлөгч П.Одгэрэл 2024 оны 05 дугаар сарын 09-ний өдөр хүлээн авч уулзлаа.

   Уулзалтад Монголын Хуульчдын холбооны талаас Тамгын газрын дарга Ш.Жолбарс, Хууль зүйн шинжлэх ухаан боловсролын хөгжлийг дэмжих хорооны дарга Ц.Мөнхбат, Шүүгчдийн хорооны тэргүүн С.Энхбаяр, гишүүн хуульч, шүүгч С.Ганбат, Монгол-Солонгосын эрх зүйн хүрээлэнгийн захирал О.Амарсанаа, өмгөөлөгч Н.Чимгээ, Б.Отгонтөгс, Н.Мөнхцэцэг, Ц.Цолмон нар оролцсон.

    Пусан хотын ИТХ-ын төлөөлөгчдийн Монгол Улсад хийж буй айлчлалын бүрэлдэхүүнд Пусан хотын ИТХ-ын хоёр дэд дарга, Удирдах хороо, Төлөвлөлт, санхүү, эдийн засгийн хороо, Халамж байгаль орчны хороо, Барилга тээврийн хороо, Далайн тээвэр, хот байгуулалт, аюулгүй байдлын хороо, Боловсролын хорооны дарга нарын 16 албан хаагч багтжээ.

   Тус уулзалтаар харилцан мэдээлэл солилцож, хамтын ажиллагаагаа хэрхэн өргөжүүлэх талаар ярилцсан юм.