Монголын Хуульчдын холбооны Ерөнхийлөгч П.Одгэрэл Олон Улсын хөгжлийн эрх зүйн байгууллага (IDLO)-ын Монгол дахь суурин төлөөлөгч Чарльз Болландыг хүлээн авч уулзлаа.

   Уулзалтад Монголын Хуульчдын холбооны Тамгын газрын дарга Ш.Жолбарс, Судалгааны төвийн эрхлэгч Ц.Одонжав, ОУХЭЗБ-ын төсөл хариуцсан менежер Н.Одонтуяа, төслийн зохицуулагч Б.Баясгалан нар оролцсон.

   Монголын Хуульчдын холбоо 2016 оноос хойш Олон Улсын хөгжлийн эрх зүйн байгууллага (IDLO)-тай хамтран ажиллаж байгаа бөгөөд энэхүү уулзалтаар өнгөрсөн хугацаанд хамтран хэрэгжүүлсэн төсөл, үйл ажиллагааны үр дүнг хэлэлцэн дүгнэж, цаашид хамтран зохион байгуулах сургалт, хэлэлцүүлэг, төслийн талаар санал солилцлоо.

   Энэ үеэр Монголын Хуульчдын холбооны Ерөнхийлөгч П.Одгэрэл хуульчдын мэдлэг, ур чадварыг дээшлүүлэх, хуульчийн үргэлжилсэн сургалтын тогтолцоог боловсронгуй болгох, эрдэм шинжилгээний хурал, хэлэлцүүлэг, форум зохион байгуулах чиглэлээр дэмжлэг үзүүлж ирсэнд ОУЭЗХБ-ын хамт олонд талархал илэрхийллээ.